Qatl karenge wo....

Qatl karenge wo kuch iss tarah ye socha na tha...
Ruhh bhi kaap uthegi dard se ye socha na tha...
Do kadam sath kya chale wo...laga manzil dur nahi...
Zindagi ke roop me wo qatil nikalenge ye socha na tha!!!

Apne hi to...

Apne hi to daaman jala ke bhul jate hai...
Khud ke hath zakhmi kar marham bhi humse lagwate hai...
Apno ne hi diye hai andhere kuch iss taraha ki..
Ab hum ujale ke naam se bhi ghabrate hai!!!

Zindagi ki kitab...

Zinadagi ki kitab jab hum likhne bethe...
Apno ke har gam ko usme saja bethe...
Na rona ise padkar dosto...
Khata hamari hi thi jo...........
Apno ke har dhoke ko vishwaas samjh bethe!!!

Jo kadamo me....

Jo kadamo me Khusia bichane ka kahte the..
Wo kaante chuba gaye...
Iss dil ko gamo mein dubate chale gaye..
Khush rakhna e-khuda unko...
Jo apne hokar gero sa saluk kar gaye!!!